TV مباشر
اتصل بنا اعلن معنا   ENGLISH

السيسي: سنفرض شروطاً حازمة لمنح تراخيص البناء

السيسي: سنفرض شروطاً حازمة لمنح تراخيص البناء
الرئيس السيسي

القاهرة – مباشر: قال الرئيس عبدالفتاح السيسي، اليوم الأحد، إن الدولة ستفرض شروطاً أكثر حزماً وقوة لمنح تراخيص البناء، وذلك للتوقف عن البناء غير المخطط.

وأضاف السيسي في تعقيب له على حديث لوزير الإسكان خلال افتتاح بعض المشروعات: "إحنا نتيجة البناء غير المخطط كانت الناس بتبني تحت خطوط الضغط العالي وده كان بيأثر جداً على الصحة العامة فقولنا أني البرنامج من ضمن أهدافه إزالة كل المخاطر بما فيها الخطر ده".

وتابع: "بغض النظر عن كفاءة المساكن الموجودة هنا فقولنا إحنا حنشيل الكابلات دي من فوق مباني الناس وننزلها تحت وعلشان نعمل كده التكلفة كانت تقريباً مليار إلا ربع".

وأضاف: "أنا لما قولت مش حنسمح بالمخالفة تاني لأنه ثبت بالتجربة أننا لما نعمل أماكن مخططة صح وفيها كل الاشتراطات بتبقى أقل تكلفة بكتير من مواجهة أي أثار ضارة ناتجة عن البناء غير المخطط اللي أحيانا لا نستطيع مواجهتها في الأساس".

وتابع:" أنا بس عايز لو شفتوا أي مباني محيطة بالمباني اللي الدولة بتعملها لن تجدوا حد بيعمل مشروع بالشكل ده".

وأكمل: " دعونا نتوقف عن موضوع البناء غير المخطط ونبتدي ننظم بلدنا والناس اللي عايزة شقق حتاخد شقق والناس اللي عايزة تعمل مشاريع وتبيع للناس حنخليها تعمل كده بس بصراحة إحنا حنكون حازمين واشتراطات البناء حتكون في منتهى الحزم والقوة لغاية ما نتغلب على اللي احنا موجودين فيه ده".

وأوضح "اللي إحنا فيه ده مش موجود غير في بلدنا إحنا استحملنا الفترة اللي فاتت دي حجم التمدد اللي كان زيادة عن اللزوم".

وأكد: "إحنا بنقول كدة علشان لما يبقى في صلابة في الموقف وشدة من الأجهزة سواء من التنمية المحلية أو الداخلية هو الهدف منها حماية الوطن من أننا نعيش كده".

 ترشيحات..

السيسي: إنفاق 280 مليار جنيه لتحسين المعيشة بالقاهرة..ولن نصدر تراخيص بناء جديدة

السيسي: "أي مواطن يطلب شقة سيحصل عليها"

مصر وألبانيا تبحثان استئناف حركة السياحي