القاهرة – مباشر: قال الرئيس عبدالفتاح السيسي: "ربنا أراد إننا نكون في ظروف صعبة بس دا لينا وعلينا".
وأوضح الرئيس السيسي في كلمة له خلال احتفالات أعياد الميلاد بكاتدرائية ميلاد المسيح في العاصمة الإدارية مساء اليوم: "لازم دائماً نخلي بالنا من علاقتنا ببعض..إذا كنتوا بتحبوا ربنا حبوا بعضكم ومتخلوش حد أبداً أبداً يدخل بينا ويحاول يوقع بينا ويحاول يعمل فتنة بينا".
وأكد الرئيس السيسي، على ضرورة تنبه المصريين إلى محاولات الوقيعة بين أبناء الوطن، قائلا: "البلد دي بلدنا كلنا وهتفضل بلدنا كلنا لا حد ليه زيادة ولا فيه نقص..إحنا دائمًا مع بعض وكل واحد فينا عارف أنه زيه زي أخوه محدش ليه زياده ولا نقص..وأي محاولة للوقيعة لازم ننتبه لها ومخنا وقلبنا أكبر منها".
وطمأن الرئيس السيسي المصريين حول الأوضاع التي تمر بها المنطقة قائلاً: "أنا شايف المصريين قلقانين.. قلقانين من أيه مفيش مجال للقلق لسبب واحد.. إننا مع بعض..طول ماحنا مع بعض مفيش حد يقدر يعمل فينا حاجة".
وتابع الرئيس السيسي قائلاً: "ربنا أراد إننا نكون في ظروف صعبة بس دا لينا وعلينا"، موضحاً "لينا إننا ناخد بالنا وننتبه ونلاحظ ونقول كان ممكن يبقى حالنا كدا..وعلينا طول ماحنا مع بعض وطول ما الشعب المصري أيد واحدة محدش يقدر يعمل معانا أو فينا حاجة".
وأكد الرئيس قائلاً: محدش يقدر يجرجرنا هنا ولا هنا..وإحنا شايفين بعون ربنا إيه الأجراء الأفضل اللي ممكن نعمله.. ولازم تعرفوا أننا بنتعامل بشرف في زمن لا شرف فيه".
واختتم الرئيس السيسي كلمته قائلاً: "ربنا لا ينصر سوى الأشراف والمخلصين والمحبين لبعضهم البعض".
ترشيحات:
القوات البحرية المصرية تُنفذ عملية برمائية كاملة في "البحر المتوسط"
